കെഎസ്ആർടിസി സ്വിഫ്റ്റ് ബസ് ജീവനക്കാർക്കെതിരെ പരാതികൾ വർധിക്കുന്നതായി ഗതാഗത മന്ത്രി കെബി ഗണേഷ് കുമാർ പറഞ്ഞു. പരാതികളിൽ ഭൂരിഭാഗവും ബന്ധപ്പെട്ട സ്വിഫ്റ്റ് ഡ്രൈവർമാർക്കും കണ്ടക്ടർമാർക്കും ലഭിച്ചതായി മന്ത്രി പറഞ്ഞു. അശ്രദ്ധമായി വാഹനമോടിക്കൽ, കണ്ടക്ടർമാരുടെ മോശം പെരുമാറ്റം എന്നിവയാണ് മറ്റ് പരാതികൾ. ഓരോ ദിവസത്തെയും കണക്കെടുത്താല് 3000ത്തിലേറെ ബസുകളിലെ കെഎസ്ആര്ടിസി ഡ്രൈവര്മാരേക്കാൾ അപകടമുണ്ടാക്കുന്നത് വളരെ തുച്ഛമായ ബസുകളുള്ള സ്വിഫ്റ്റിലെ ഡ്രൈവര്മാരാണ്.
മരണം സംഭവിച്ച അപകടങ്ങളിലെ കണക്ക് നോക്കിയാലും ഇങ്ങനെ തന്നെയാണ്. ഈ രീതികൾ മാറ്റിയില്ലെങ്കില് കര്ശന നടപടിയെടുക്കുമെന്ന് ഗണേഷ് കുമാര് മുന്നറിയിപ്പ് നൽകി. ബസില് കയറുന്നവരോട് ഡ്രൈവറായാലും കണ്ടക്ടര് ആയാലും മര്യാദയോടെ പെരുമാറണം. ജനങ്ങളാണ് യജമാനന്മാര്. അവര് ബസില് കയറിയില്ലെങ്കില് ജീവനക്കാര്ക്ക് ശമ്പളം ഉണ്ടാകില്ല. ഒരു കാരണവശാലും മര്യാദയില്ലാത്ത സംസാരങ്ങള് പാടില്ല.
