ബലാത്സംഗ കേസില് നടന് സിദ്ദിഖിന് ഇടക്കാല ആശ്വാസം. രണ്ടാഴ്ചത്തേക്ക് അറസ്റ്റ് തടഞ്ഞ് സുപ്രീംകോടതി. രണ്ടാഴ്ചയ്ക്കുശേഷം കേസ് വീണ്ടും പരിഗണിക്കും.വിചാരണക്കോടതി വെക്കുന്ന നിബന്ധനകള്ക്ക് വിധേയമായിട്ടാണ് അറസ്റ്റ് തടഞ്ഞിരിക്കുന്നത്. പരാതി നല്കാന് കാലതാമസമുണ്ടായെന്ന വാദവും കോടതി കണക്കിലെടുത്തു. സംസ്ഥാനം എട്ട് വര്ഷമായി എന്ത് ചെയ്യുകയായിരുന്നു എന്നും കോടതി ചോദിച്ചു. രണ്ടാഴ്ചക്ക് ശേഷം കേസ് വീണ്ടും പരിഗണിക്കുമെന്നും കോടതി അറിയിച്ചു.
അല്പ്പ സമയം മാത്രമാണ് സിദ്ദിഖിന്റെ കേസുമായി ബന്ധപ്പെട്ട വാദം സുപ്രീംകോടതിയില് നടന്നത്. കേസ് രജിസ്റ്റര് ചെയ്യാന് എടുത്ത കാലതാമസം സിദ്ദിഖിന്റെ അഭിഭാഷകന് കോടതിയില് ഉന്നയിച്ചു. എട്ട് വര്ഷം മുന്പ് നടന്ന സംഭവത്തിലാണ് 2024ല് കേസ് രജിസ്റ്റര് ചെയ്തത് എന്ന് കോടതിക്ക് മുന്നില് ചൂണ്ടിക്കാട്ടി. ജസ്റ്റിസ് ബേല എം ത്രിവേദി, സതീഷ് ചന്ദ്ര ശർമ്മ എന്നിവർ അടങ്ങിയ ബെഞ്ചാണ് ഹർജി പരിഗണിച്ചത്. 62ാമത്തെ കേസായിട്ടാണ് ഹർജി പരിഗണനയ്ക്ക് എത്തിയത്. അഡീഷണൽ സോളിസിറ്റർ ജനറൽ ഐശ്വര്യ ഭാട്ടി സംസ്ഥാനത്തിനായി ഹാജരായി.62ാമത്തെ കേസായിട്ടാണ് ഹര്ജി പരിഗണനയ്ക്ക് എത്തിയത്. അഡീഷണല് സോളിസിറ്റര് ജനറല് ഐശ്വര്യ ഭാട്ടി സംസ്ഥാനത്തിനായി ഹാജരായി. മുതിര്ന്ന അഭിഭാഷകന് മുകുള് റോത്തഗിയാണ് സിദ്ദിഖിനായി ഹാജരായത്. പരാതിക്കാരിക്കുവേണ്ടി മുതിര്ന്ന അഭിഭാഷക വൃന്ദാ ഗ്രോവറും ഹാജരായി.
