കെഎസ്ആർടിസിയുടെ പ്രിയദർശിനി സൗജന്യ യാത്രാ പദ്ധതിയെക്കുറിച്ചുള്ള ഗതാഗത മന്ത്രി സിപി ജോണിന്റെ വിവാദ പരാമർശങ്ങൾക്ക് മറുപടിയുമായി നടൻ സന്തോഷ് പണ്ഡിറ്റ് രംഗത്തെത്തി. സ്ത്രീകൾ സൗജന്യ യാത്ര ആവശ്യപ്പെട്ട് സർക്കാരിനോട് അപേക്ഷിച്ചിട്ടില്ലെന്നും, തിരഞ്ഞെടുപ്പ് വാഗ്ദാനത്തിന്റെ ഭാഗമായാണ് പദ്ധതി നടപ്പിലാക്കിയതെന്നും അദ്ദേഹം ചൂണ്ടിക്കാട്ടി. പദ്ധതി പ്രഖ്യാപിച്ച് നടപ്പാക്കിയ ശേഷം അത് ഉപയോഗിക്കുന്ന സ്ത്രീകളെ കുറ്റപ്പെടുത്തുന്നത് ശരിയല്ലെന്നും, നികുതി നൽകുന്ന സ്ത്രീകൾക്ക് ഈ ആനുകൂല്യം ലഭിക്കുന്നതിൽ തെറ്റില്ലെന്നും സന്തോഷ് പണ്ഡിറ്റ് പറഞ്ഞു. ബസുകളിൽ തിരക്ക് വർധിക്കുന്നുണ്ടെങ്കിൽ കൂടുതൽ സർവീസുകൾ ഏർപ്പെടുത്തുകയോ യാത്രാ നിയന്ത്രണങ്ങൾ കൊണ്ടുവരികയോ ചെയ്യണമെന്നും അദ്ദേഹം അഭിപ്രായപ്പെട്ടു. ജനങ്ങളെ വിമർശിക്കുന്നതിന് പകരം പദ്ധതികളുടെ സാമ്പത്തികവും പ്രായോഗികവുമായ വശങ്ങൾ മുൻകൂട്ടി വിലയിരുത്തേണ്ടതുണ്ടെന്നും അദ്ദേഹം കൂട്ടിച്ചേർത്തു.
