വയനാട് മുണ്ടക്കൈ ഉരുൾപൊട്ടലിൽ ദുരിതമനുഭവിക്കുന്ന ജനങ്ങളെ സഹായിക്കാൻ മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള സംഭാവന 100 കോടി കവിഞ്ഞു. രണ്ടാഴ്ചക്കിടെ 110 .55 കോടി രൂപയാണ് ദുരിതാശ്വാസ നിധിയിലേക്ക് എത്തിയത്. ജൂലൈ മുപ്പത് മുതൽ ദുരിതാശ്വാസ നിധിയിലേക്കെത്തുന്ന ഫണ്ട് മുഴുവൻ ഉരുള്പൊട്ടല് ദുരിതബാധിതര്ക്ക് വേണ്ടിയാണ് ചെലവഴിക്കുക.
വയനാടിന് ആശ്വാസമേകാൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് സമൂഹത്തിൻ്റെ നാനാ തുറകളിൽ നിന്നുമുള്ളവർ സംഭാവന നൽകിവരുകയാണ്. പ്രതിപക്ഷ നേതാവ് ഉൾപ്പെടെ നിരവധി രാഷ്ട്രീയ നേതാക്കളും സിനിമാ രംഗത്തെ പ്രമുഖരും. ദുരിതാശ്വാസ നിധിയുടെ വിവിധ ബാങ്ക് അക്കൗണ്ട് നമ്പറുകൾ http://donation.cmdrf.kerala.gov/ എന്ന പോർട്ടലിൽ ലഭ്യമാണ്. ഓൺലൈൻ ബാങ്കിംഗ്/ഡെബിറ്റ്/ക്രെഡിറ്റ് കാർഡ്, യുപിഐ വഴിയോ പോർട്ടലിൽ നൽകിയിരിക്കുന്ന നേരിട്ടുള്ള പേയ്മെൻ്റ് സംവിധാനം വഴിയോ അക്കൗണ്ട് നമ്പർ ഉപയോഗിച്ച് നേരിട്ട് സംഭാവനകൾ നൽകാം. ഇതിലൂടെ നല്കുന്ന സംഭാവനയ്ക്ക് ഉടന് തന്നെ റെസീപ്റ്റ് ഡൗണ്ലോഡ് ചെയ്യാന് സാധിക്കും. യുപിഐ വഴിയുള്ള ഇടപാടുകള്ക്ക് 48 മണിക്കൂറിന് ശേഷമേ റസീപ്റ്റ് ലഭിക്കൂ.
