കുടിവെള്ള പ്രശ്നം തുടരുന്ന സാഹചര്യത്തിൽ തിരുവനന്തപുരം കോർപ്പറേഷൻ പരിധിയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് (സെപ്റ്റംബർ 9 തിങ്കളാഴ്ച) ജില്ലാ കളക്ടർ അവധി പ്രഖ്യാപിച്ചു. സാങ്കേതിക വിദ്യാഭ്യാസ വകുപ്പ് കോളേജുകളിലെ പ്രവേശന നടപടികളിൽ നാളെ മാറ്റമുണ്ടാവില്ലെന്നും കളക്ടർ അറിയിച്ചു.
കോർപറേഷൻ പരിധിയിലെ സ്കൂളുകളുടെ കാര്യത്തിൽ ഉചിതമായ തീരുമാനമെടുക്കാൻ കലക്ടർക്ക് മന്ത്രി നിർദേശം നൽകിയിരുന്നു.അതോടൊപ്പം നഗരത്തിലെ കുടിവെള്ള പ്രശ്നത്തിനും പരിഹാരമാകും. കഴിഞ്ഞ നാല് ദിവസമായി നിർത്തിയ വെള്ളം പല പ്രദേശങ്ങളിലും എത്തിയിട്ടുണ്ട്. പമ്പിങ് തുടങ്ങിയപ്പോൾ ചോർച്ചയില്ലെന്നാണ് പ്രാഥമിക നിഗമനം. ആറ്റുകാൽ, ഐരാണിമുട്ടം തുടങ്ങിയ സ്ഥലങ്ങളിൽ വെള്ളം എത്തിത്തുടങ്ങി. രാവിലെയോടെ തന്നെ പൂർണ തോതിൽ എല്ലായിടത്തും വെള്ളം എത്തിക്കാൻ കഴിയുമെന്ന് പ്രതീക്ഷ.
