പാലക്കാട്: ഷൊര്ണൂരില് ശനിയാഴ്ച വൈകുന്നേരം ട്രെയിന് തട്ടി രണ്ട് സ്ത്രീ തൊഴിലാളികളടക്കം നാല് തമിഴ്നാട് സ്വദേശികളുടെ ജീവന് പൊലിഞ്ഞ സംഭവത്തില് പ്രതികരണവുമായി കേരള എക്സ്പ്രസിന്റെ ലോക്കോ പൈലറ്റ്. വളവു തിരിഞ്ഞ ഉടനെയാണ് റെയില്വേ പാലത്തില് ആളുകളെ കണ്ടത്. വളരെ അപ്രതീക്ഷിതമായിരുന്നു. പലതവണ ഹോണ് അടിച്ചു. എമര്ജന്സി ഹോണും മുഴക്കി. പക്ഷേ, അവര് വളരെ അടുത്തായിരുന്നു. അവര്ക്ക് രക്ഷപ്പെടാന് കഴിഞ്ഞില്ല. തനിക്കും ഒന്നും ചെയ്യാന് കഴിഞ്ഞില്ലെന്നും ലോക്കോ പൈലറ്റ് പറഞ്ഞു.റെയില്വേ ട്രാക്കില്നിന്ന് മാലിന്യം നീക്കുന്ന ജോലിയിലേര്പ്പെട്ടിരുന്ന തമിഴ്നാട് വിഴുപുരം സ്വദേശികളായ ലക്ഷ്മണ്, വള്ളി, റാണി, ലക്ഷ്മണന് എന്നിവരായിരുന്നു മരിച്ചത്. സംഭവത്തില് റെയില്വെ പൊലീസ് അന്വേഷണം ആരംഭിച്ചു.
എസ്.ഐ.ആർ. നോട്ടീസ്: തിരഞ്ഞെടുപ്പ് കമ്മീഷണർ എസ്.എസ്. സന്ധു ഉൾപ്പെടെ ഉന്നത ഉദ്യോഗസ്ഥരും പട്ടികയിൽ
September 20, 2026
No Comments
