അനുരാഗ് കശ്യപ്‌ :ബോളിവുഡിലുള്ളവര്‍ക്ക് ‘തലച്ചോര്‍’ ഇല്ലെന്നു വിമർശിച്ചു

മുംബൈ: അനുരാഗ് കശ്യപ് ബോളിവുഡിനോട് താന്‍ ഇപ്പോള്‍ പുലര്‍ത്തുന്ന അകല്‍ച്ച തുറന്നു പറയുകയാണ് പുതിയ അഭിമുഖത്തില്‍. ഹിന്ദി ചലച്ചിത്ര വ്യവസായത്തിലെ പുഷ്പ: ദി റൈസ് അല്ലെങ്കിൽ പുഷ്പ 2: ദ റൂൾ പോലെയുള്ള എന്തെങ്കിലും നിർമ്മിക്കാനുള്ള ‘തലച്ചോർ’ ഇല്ലെന്ന് അനുരാഗ് തുറന്നടിച്ചു.ഹിന്ദി സിനിമാ വ്യവസായം ഇപ്പോൾ റിസ്ക് എടുക്കാൻ ആഗ്രഹിക്കുന്നില്ലെന്ന് അനുരാഗ് പറഞ്ഞു. “അവർക്ക് ഒന്നും മനസ്സിലാകുന്നില്ല. അവർക്ക് ഒരു പുഷ്പ പോലും ഉണ്ടാക്കാൻ കഴിയുന്നില്ല. അവർക്ക് അതിന് കഴിയില്ല, കാരണം അവർക്ക് ഒരു സിനിമ നിർമ്മിക്കാനുള്ള തലച്ചോറില്ല. ദക്ഷിണേന്ത്യയിൽ, അവർ സിനിമ നിര്‍മ്മാണത്തിന് വേണ്ടിയാണ് പണം ഇറക്കുന്നത്. എന്നാല്‍ ബോളിവുഡില്‍ എല്ലാവരും യൂണിവേഴ്സ് സൃഷ്ടിക്കാൻ ശ്രമിക്കുന്നു. അവരുടെ സ്വന്തം യൂണിവേഴ്സ് അവർ മനസ്സിലാക്കുന്നുണ്ടോ, അവര്‍ നിസ്സാരരാണ്? ഈഗോയാണ് ഇവിടെ. നിങ്ങൾ ഒരു യൂണിവേഴ്സ് സൃഷ്ടിക്കുമ്പോൾ, നിങ്ങൾ ദൈവമാണെന്ന് നിങ്ങൾ കരുതുന്നു ” അനുരാഗ് കശ്യപ് പറഞ്ഞു.ദക്ഷിണേന്ത്യന്‍ സിനിമകളില്‍ ശ്രദ്ധ കേന്ദ്രീകരിക്കും എന്നും അനുരാഗ് കാശ്യപ് പറഞ്ഞു.ആതേ സമയം മലയാളത്തില്‍ ആഷിക് അബു സംവിധാനം ചെയ്ത റൈഫിള്‍ ക്ലബ് എന്ന ചിത്രത്തിലാണ് അവസാനമായി അനുരാഗ് കശ്യപ് അഭിനയിച്ച ചിത്രം. ഇതിലെ പ്രധാന വില്ലനയാണ് അനുരാഗ് എത്തിയത്.