മുഖ്യമന്ത്രി പിണറായി വിജയനെ ഫീനിക്സ് പക്ഷിയെപോലെ ഉയർന്നുവന്നവനെന്ന് ആരെങ്കിലും വിലയിരുത്തിയാൽ തെറ്റുപറയാനാവില്ല.

കോഴിക്കോട്: മുഖ്യമന്ത്രി പിണറായി വിജയൻ പകരംവെക്കാനില്ലാത്ത ചരിത്രപുരുഷനാണെന്ന് മുതിർന്ന സി.പി.എം നേതാവും കേന്ദ്രകമ്മിറ്റിയംഗവുമായ ഇ.പി ജയരാജൻ. പല പ്രതിസന്ധിഘട്ടത്തിലും കേരളത്തിലെ ജനങ്ങളെ കൈവിടാതെ നടപ്പിലാക്കിയ വികസന പ്രവർത്തനങ്ങളെ ആർക്കും തള്ളിപ്പറയാനാവില്ല. മുഖ്യമന്ത്രിയെ പ്രശംസിക്കുന്നതോ അദ്ദേഹം ചെയ്ത കാര്യങ്ങളെ പാട്ടിന്റെ രൂപത്തിൽ അവതരിപ്പിക്കുന്നതോ തെറ്റാണെന്ന് കരുതാനാകില്ലെന്നും ഇ.പി ഫെയ്സ് ബുക്കിൽ കുറിച്ചു.മുഖ്യമന്ത്രി പിണറായി വിജയനെ ഫീനിക്സ് പക്ഷിയെപോലെ ഉയർന്നുവന്നവനെന്ന് ആരെങ്കിലും വിലയിരുത്തിയാൽ തെറ്റുപറയാനാവില്ല. ജനങ്ങൾക്കിടയിൽ അദ്ദേഹത്തെ ഏതെല്ലാം നിലയിൽ അവമതിപ്പുണ്ടാക്കാനുള്ള ശ്രമങ്ങൾ നടന്നു. ഇന്നും അത് നടന്നുകൊണ്ടിരിക്കുന്നു. അതിനെയെല്ലാം അതിജീവിച്ചാണ് പിണറായി വിജയൻ കേരളത്തെ നയിക്കുന്നതെന്നും ഇ.പി ചൂണ്ടിക്കാട്ടി.