വിവാദങ്ങള്ക്കിടെ ശത്രുസംഹാര വഴിപാട് നടത്തി എഡിജിപി എംആര് അജിത് കുമാര്. ഇന്ന് രാവിലെ കണ്ണൂര് മാടായിക്കാവിലെത്തിയാണ് വഴിപാട് നടത്തിയത്. പുലർച്ചെ അഞ്ചിന് അജിത്കുമാർ കണ്ണൂർ മാടയ്ക്കാവിലെത്തി.
തളിപ്പറമ്പ് രാജരാജേശ്വര ക്ഷേത്രം, കാഞ്ഞിരങ്ങാട് വൈദ്യനാഥ ക്ഷേത്രം എന്നിവിടങ്ങളിലും എഡിജിപി ദര്ശനം നടത്തി. രാജരാജേശ്വര ക്ഷേത്രത്തില് പട്ടുംതാലി, നെയ് വിളക്ക്, പുഷ്പാഞ്ജലി എന്നീ വഴിപാടുകളും വൈദ്യനാഥ ക്ഷേത്രത്തില് ജലധാര, ക്ഷീരധാര, ആള്രൂപം, പുഷ്പാഞ്ജലി, നെയ് വിളക്ക് എന്നീ വഴിപാടുകളും കഴിച്ചാണ് എഡിജിപി മടങ്ങിയത്.
അതേസമയം, എഡിജിപി – ദത്താത്രേയ ഹൊസബലേ കുടിക്കാഴ്ച സ്ഥിരീകരിച്ച് ആര്എസ്എസ് നേതാവ് എ.ജയകുമാര് ഇന്ന് രംഗത്തെത്തിയിട്ടുണ്ട്. കേരളത്തില് ആദ്യമായല്ല ഉന്നത ഉദ്യോഗസ്ഥര് ആര്എസ്എസ് നേതാക്കളെ കാണുന്നതെന്നും, മുന്പും നിരവധി പേര് കൂടിക്കാഴ്ച നടത്തിയിട്ടുണ്ടെന്നും ജയകുമാര് കൂട്ടിച്ചേര്ത്തു. വിവാദങ്ങള്ക്കിടയാണ് എ . ജയകുമാറിന്റെ വെളിപ്പെടുത്തല്.
