യൂസ്മാർഗിൽ കനത്ത ഏറ്റുമുട്ടൽ; ലഷ്കർ-ഇ-തയ്ബ ഭീകരൻ കൊല്ലപ്പെട്ടു

ബുദ്ഗാം ഏറ്റുമുട്ടൽ: യൂസ്മാർഗിൽ ലഷ്കർ-ഇ-തയ്ബ ഭീകരനെ സൈന്യം വധിച്ചുന്യൂഡൽഹി: മധ്യ കാശ്മീരിലെ ബുദ്ഗാം ജില്ലയിലെ യൂസ്മാർഗിലെ കൊറാഗ് മേഖലയിൽ സുരക്ഷാ സേനയും ഭീകരരും തമ്മിലുണ്ടായ ശക്തമായ ഏറ്റുമുട്ടലിൽ ലഷ്കർ-ഇ-തയ്ബ ഭീകരൻ കൊല്ലപ്പെട്ടു.കൃത്യമായ രഹസ്യാന്വേഷണ വിവരങ്ങളുടെ അടിസ്ഥാനത്തിൽ കരസേന, ജമ്മു-കശ്മീർ പോലീസ്, സി.ആർ.പി.എഫ് എന്നിവ സംയുക്തമായി നടത്തിയ തിരച്ചിൽ നടപടിക്കിടെയാണ് ഏറ്റുമുട്ടൽ ഉണ്ടായത്. സംശയാസ്പദമായ നീക്കം ശ്രദ്ധയിൽപ്പെട്ടതിനെ തുടർന്ന് സുരക്ഷാ സേന ചോദ്യം ചെയ്യാൻ ശ്രമിച്ചപ്പോൾ ഭീകരർ വെടിയുതിർക്കുകയായിരുന്നു. തുടർന്ന് സേന തിരിച്ചടിച്ചതോടെയാണ് ശക്തമായ ഏറ്റുമുട്ടൽ നടന്നത്.കൊല്ലപ്പെട്ടയാൾ നിരോധിത ഭീകരസംഘടനയായ ലഷ്കർ-ഇ-തയ്ബയിലെ അംഗമാണെന്ന് സൈന്യം അറിയിച്ചു. മേഖലയിൽ കൂടുതൽ ഭീകരർ ഉണ്ടോയെന്ന് കണ്ടെത്തുന്നതിനായി തിരച്ചിൽ തുടരുകയായിരുന്നു.ഈ മാസം ആദ്യം ഇതേ യൂസ്മാർഗ് മേഖലയിൽ യാസിർ എന്ന പേരിൽ തിരിച്ചറിഞ്ഞ മറ്റൊരു ഭീകരനും കൊല്ലപ്പെട്ടിരുന്നു.