കൊച്ചി വന്ദേഭാരത് എക്സ്പ്രസിന്റെ കോച്ചുകളുടെ എണ്ണം 8ൽ നിന്ന് 16 ആയി ഉയർത്തി.

ഓണക്കാലത്തെ യാത്രാതിരക്ക് കണക്കിലെടുത്ത് ബെംഗളൂരു–കൊച്ചി വന്ദേഭാരത് എക്സ്പ്രസിന്റെ കോച്ചുകളുടെ എണ്ണം 8ൽ നിന്ന് 16 ആയി ഉയർത്തി. ഇതോടെ ട്രെയിനിന്റെ സീറ്റിംഗ് ശേഷി ഇരട്ടിയാകും. കൂടാതെ, ഓണം തിരക്ക് പരിഗണിച്ച് ബെംഗളൂരു കന്റോൺമെന്റിൽ നിന്ന് കണ്ണൂരിലേക്ക് പ്രത്യേക ട്രെയിൻ സർവീസും റെയിൽവേ അനുവദിച്ചിട്ടുണ്ട്. ആഗസ്റ്റ് 20ന് രാത്രി 10.30ന് പുറപ്പെടുന്ന ട്രെയിൻ അടുത്ത ദിവസം ഉച്ചയ്ക്ക് 12.50ന് കണ്ണൂരിലെത്തും. മംഗളൂരു, കോഴിക്കോട്, പാലക്കാട് ഉൾപ്പെടെയുള്ള പ്രധാന സ്റ്റേഷനുകളിൽ സ്പെഷ്യൽ ട്രെയിന് സ്റ്റോപ്പുണ്ടാകും.