UFC മേധാവി ഡാന വൈറ്റിനെ വൈറ്റ് ഹൗസ് പ്രസ് സെക്രട്ടറിയാക്കാൻ ക്ഷണിച്ചു അമേരിക്കൻ പ്രസിഡന്റ്

UFC മേധാവി ഡാന വൈറ്റിനെ വൈറ്റ് ഹൗസ് പ്രസ് സെക്രട്ടറിയാക്കാൻ ക്ഷണംഅമേരിക്കൻ പ്രസിഡന്റ് ഡൊണാൾഡ് ട്രംപ് UFC (Ultimate Fighting Championship) മേധാവി ഡാന വൈറ്റിന് വൈറ്റ് ഹൗസ് പ്രസ് സെക്രട്ടറി സ്ഥാനം വാഗ്ദാനം ചെയ്തു. UFC മേധാവിയായ ഡാന വൈറ്റിനൊപ്പം പ്രമുഖ MMA താരങ്ങളെയും തന്റെ സഹായികളായി കൊണ്ടുവരണമെന്നാണ് ട്രംപിന്റെ നിർദ്ദേശം.ശനിയാഴ്ച Truth Social-ൽ പങ്കുവെച്ച കുറിപ്പിലൂടെയാണ് ട്രംപ് ഇക്കാര്യം അറിയിച്ചത്. ഡാന വൈറ്റിനെ മികച്ച പോരാളിയും യോദ്ധാവും എന്ന് വിശേഷിപ്പിച്ച അദ്ദേഹം, അമേരിക്കയുടെ പ്രസ് സെക്രട്ടറിയായി പ്രവർത്തിക്കാൻ വൈറ്റിനെ ക്ഷണിക്കുന്നതായി വ്യക്തമാക്കി.ഇസ്‌ലാം മഖാച്ചേവ്, ഖബീബ് നൂർമഗോമെഡോവ്, ജസ്റ്റിൻ ഗേത്ജി, ഡാനിയൽ കോർമിയർ, അമാൻഡ ന്യൂനസ്, കെയ്‌ല ഹാരിസൺ തുടങ്ങിയ പ്രമുഖ UFC താരങ്ങളെയും സഹായികളായി കൂടെക്കൂട്ടണമെന്ന് ട്രംപ് നിർദ്ദേശിച്ചു.രണ്ട് പതിറ്റാണ്ടിലേറെയായി UFC-യെ നയിക്കുന്ന ഡാന വൈറ്റിന് ട്രംപുമായി അടുത്ത ബന്ധമാണുള്ളത്. അമേരിക്കയുടെ 250-ാം സ്വാതന്ത്ര്യ വാർഷികാഘോഷങ്ങളുടെ ഭാഗമായി വൈറ്റ് ഹൗസിൽ UFC Freedom 250 സംഘടിപ്പിച്ചതും ഇരുവരുടെയും ബന്ധത്തിന്റെ ഭാഗമായിരുന്നു.വൈറ്റ് ഹൗസ് പ്രസ് വിഭാഗത്തിൽ തുടർച്ചയായ മാറ്റങ്ങൾ നടക്കുന്നതിനിടെയാണ് ട്രംപിന്റെ പുതിയ നീക്കം. കരോലിൻ ലീവിറ്റ് സ്ഥാനമൊഴിഞ്ഞതിന് പിന്നാലെ നിയമിതയായ കേറ്റി സക്കറിയയും ചുരുങ്ങിയ കാലത്തിനുള്ളിൽ സ്ഥാനത്തുനിന്ന് മാറിയിരുന്നു.ഡാന വൈറ്റ് ട്രംപിന്റെ ക്ഷണം സ്വീകരിക്കുമോ എന്നതാണ് ഇനി അറിയേണ്ടത്.