രഞ്ജിത്തിന്‍റെ സംവിധാനത്തില്‍ പ്രകാശ് വര്‍മ്മയും അഭിരാമിയും;

രഞ്ജിത്ത് സംവിധാനം ചെയ്യുന്ന ‘ലോ ആൻഡ് ഓർഡർ’ ചിത്രത്തിലെ ‘നീലക്കണ്ണുകൾ’ വീഡിയോ ഗാനം നാളെ വൈകിട്ട് അഞ്ചിന് പുറത്തിറങ്ങും. പ്രകാശ് വർമ്മ, അഭിരാമി എന്നിവർ പ്രധാന വേഷങ്ങളിലെത്തുന്ന ചിത്രത്തിൽ മമ്മൂട്ടി ‘ബ്ലാക്ക്’ എന്ന ചിത്രത്തിലെ കൾട്ട് കഥാപാത്രമായ കാരിക്കാമുറി ഷണ്മുഖനായി വീണ്ടും എത്തുന്നു എന്നതാണ് പ്രധാന ആകർഷണം. സെപ്റ്റംബർ 4നാണ് ചിത്രം തിയറ്ററുകളിലെത്തുന്നത്.‘തുടക്കം’ എന്ന ചിത്രത്തിലൂടെ ശ്രദ്ധ നേടിയ പ്രകാശ് വർമ്മ രഞ്ജിത്തിന്റെ സംവിധാനത്തിൽ എത്തുന്നതും ചിത്രത്തിന്റെ പ്രത്യേകതയാണ്. ഉദയ് കൃഷ്ണയാണ് കഥ, തിരക്കഥ, സംഭാഷണം ഒരുക്കുന്നത്. പ്രശാന്ത് രവീന്ദ്രൻ ഛായാഗ്രഹണവും മനോജ് കണ്ണോത്ത് എഡിറ്റിങ്ങും നിർവഹിക്കുന്നു. സത്യം സിനിമാസും മഹാ സുബൈർ മൂവീക്ഷേത്രയും ചേർന്നാണ് ചിത്രം നിർമ്മിക്കുന്നത്.