മുണ്ടക്കൈയിലെ ഉരുൾപൊട്ടൽ ദുരന്തത്തിനിടയാക്കിയത് കനത്ത മഴയെന്ന് ജിയോളജിക്കൽ സർവേ ഓഫ് ഇന്ത്യയുടെ പ്രാഥമിക റിപ്പോർട്ട്. പ്രാദേശിക ഘടകങ്ങൾ ദുരന്തത്തിന്റ ആഘാതം കൂട്ടി. സ്ഥലത്തിന്റെ ചെരിവും മണ്ണിന്റെ ഘടനയും ആഘാതം ഇരട്ടിയാക്കി. പ്രദേശത്ത് നിരവധി ഉരുള്പൊട്ടലുകള് ഉണ്ടായതായും ജിയോളജിക്കല് സര്വേ ഓഫ് ഇന്ത്യ വിലയിരുത്തി.9, 30 തിയ്യതികളിലായി പെയ്ത കനത്ത മഴയ്ക്ക് പിന്നാലെയാണ് ഉരുള്പൊട്ടലുണ്ടായത്. അപകടമേഖയിൽ 2018 മുതൽ ചെറുതും വലുതുമായി ഉരുൾപൊട്ടലുകളുണ്ടായി. മുണ്ടക്കൈ ഉരുൾപൊട്ടലിൽ എഴ് കി.മീ ദൂരത്തോളം അവശിഷ്ടങ്ങൾ ഒഴുകി. കൂറ്റൻ പാറക്കഷ്ണങ്ങളും മണ്ണും ചെളിയും വേഗത്തിൽ ഒഴുകിയെത്തി.
അപകടമേഖലയുടെ മലയോരമേഖലകള് അതീവ ഉരുള്പൊട്ടല് സാധ്യതാ പട്ടികയിലാണുള്ളതെന്നും ജിയോളജിക്കല് സര്വേ ഓഫ് ഇന്ത്യയുടെ പ്രാഥമിക റിപ്പോര്ട്ടില് പറയുന്നു.അതേസമയം മേഖലയില് ജനകീയ തിരച്ചില് പുരോഗമിക്കുകയാണ്. ദുരന്തമേഖലകളെ ആറായി തിരിച്ചാണ് തിരച്ചില് നടക്കുന്നത്. ക്യാമ്പുകളിലും ബന്ധുവീടുകളിലും കഴിയുന്ന പ്രദേശവാസികള് തിരച്ചിലിനുണ്ട്. കഡാവര് നായ്ക്കളെയും തിരച്ചിലിനിറക്കും.
