13-ാം വളവിൽനിന്ന് ട്രാവലർ പതിച്ചത് 9-ാം വളവിലേക്ക്

തൃശ്ശൂർ: കളിചിരികളോടെ മലപ്പുറം ജില്ലയിലെ വളാഞ്ചേരി പാങ്ങ് പള്ളിപ്പറമ്പ് എൽ.പി. സ്‌കൂളിൽ നിന്ന് പുറപ്പെട്ട ആ വിനോദയാത്ര ഇത്രമേൽ വലിയൊരു ദുരന്തമായി മാറുമെന്ന് ആരും കരുതിയില്ല. അധ്യാപകരും വിദ്യാർത്ഥികളും സ്‌കൂളിലെ പാചകക്കാരിയും ഉൾപ്പെട്ട സംഘം അതിരപ്പിള്ളി, വാഴച്ചാൽ, മലക്കപ്പാറ വഴി വാൽപ്പാറ സന്ദർശിക്കാനായിരുന്നു പോയത്. യാത്രയുടെ തുടക്കത്തിൽ പകർത്തിയ സന്തോഷ നിമിഷങ്ങൾ ഇപ്പോൾ വേദനാജനകമായ ഓർമ്മകളായി മാത്രം അവശേഷിക്കുന്നു.പ്രകൃതിയുടെ മനോഹാരിത ആസ്വദിച്ച സംഘം, 40 ഹെയർപിൻ വളവുകൾ നിറഞ്ഞ അപകടകരമായ മലമ്പാതയിലൂടെ പൊള്ളാച്ചി വഴി നാട്ടിലേക്ക് മടങ്ങാനായിരുന്നു പദ്ധതി. എന്നാൽ അതീവ ജാഗ്രത ആവശ്യമായ ഈ വഴിയിൽ ഉണ്ടായ അപകടമാണ് ഈ ദാരുണ സംഭവത്തിന് കാരണമായത്. നിയന്ത്രണം വിട്ടാൽ അഗാധമായ താഴ്വരയിലേക്ക് പതിക്കാവുന്ന ഈ പാതയിൽ ഓരോ വളവും ഭീഷണിയോടെയാണ്.ആനമല ടൈഗർ റിസർവിന്റെ ഭാഗമായ ഈ പ്രദേശം പ്രകൃതിഭംഗിയാൽ എത്ര ആകർഷകമാണോ അത്രമേൽ അപകടസാധ്യതയും നിറഞ്ഞതാണ്. വന്യമൃഗങ്ങളുടെ സാന്നിധ്യവും ജനവാസമില്ലാത്ത പ്രദേശവും യാത്രയെ കൂടുതൽ അപകടകരമാക്കുന്നു.വേനലവധിയും വിഷുവും ആഘോഷിക്കാൻ ഒരുങ്ങിയിരുന്ന ഈ സംഘം സന്തോഷം തേടി ആരംഭിച്ച യാത്രയിൽ തന്നെ ഒരു നാടിനെ മുഴുവൻ കണ്ണീരിലാഴ്ത്തി. ഇനി ആ സ്‌കൂളിനും നാട്ടിനും അവശേഷിക്കുന്നത് പ്രിയപ്പെട്ടവരുടെ വേദന നിറഞ്ഞ ഓർമ്മകൾ മാത്രമാണ്ട അഞ്ചേകാലിനും അഞ്ചരയ്ക്കും ഇടയിലാണ് അപകടമുണ്ടായതെന്നാണ് വാൽപ്പാറ പൊലീസ് നൽകുന്ന വിവരം. ചുരമിറങ്ങുന്നതിനിടെ 13-ാം ഹെയർപിൻ വളവിൽവെച്ച് നിയന്ത്രണം വിട്ട വാഹനം മറിഞ്ഞ് ഒരു പുരുഷനും ഏഴ് സ്ത്രീകളും ഉൾപ്പെടെ എട്ടുപേർ സംഭവസ്ഥലത്തുവെച്ച് തന്നെ മരിച്ചു. ഡ്രൈവറും രണ്ട് ആൺകുട്ടികളും അടക്കം പരിക്കേറ്റവരെ പൊള്ളാച്ചി സർക്കാർ ആശുപത്രിയിലേക്ക് മാറ്റി. ഗുരുതരമായി പരിക്കേറ്റ ചിലരെ തുടർന്ന് മെച്ചപ്പെട്ട ചികിത്സയ്ക്കായി മറ്റു ആശുപത്രികളിലേക്കും മാറ്റിയതായി അധികൃതർ അറിയിച്ചു.അപകടം നടന്ന ഉടൻ നാട്ടുകാരും പോലീസും രക്ഷാപ്രവർത്തനം ആരംഭിച്ചു. അപകടത്തിന് (54), റംല (52), സുഹ്‌റ (43), ആശ (41), മജീദ് (43), സാജിത (45), ഷക്കീല (37), നൗഷാദ് (39), റുഖിയ (39), ഹിഷാം (12), ഷഹദീൻ (11), മസ്നീൻ (10), ഡ്രൈവർ മുഹമ്മദ് പാഷിത് (21) എന്നിവരായിരുന്നു വാഹനത്തിലുണ്ടായിരുന്നത്. പെരിന്തൽമണ്ണ സ്വദേശിയായ അബ്ദുൽ സലാമിന്റെ ഉടമസ്ഥതയിലുള്ള കെഎൽ 11 എഎം7288 എന്ന രജിസ്‌ട്രേഷൻ നമ്പറുള്ള ട്രാവലറിലായിരുന്നു ഇവർ യാത്ര പുറപ്പെട്ടത്.