കു​വൈ​ത്തി​ലെ ആ​ദ്യ അം​ഗീ​കൃ​ത യോ​ഗ സ്റ്റു​ഡി​യോ സ്ഥാ​പ​ക​യു​മാ​യ ശൈഖ ശൈഖ അലി അൽ ജാബിർ അൽ സബാഹിനാണ് പത്മശ്രീ ലഭിച്ചത്.

കുവൈത്ത് സിറ്റി: ഇന്ത്യയുടെ പരമോന്നത ബഹുമതികളിലൊന്നായ പത്മശ്രീ പുരസ്കാരം ലഭിച്ചവരിൽ കുവൈത്തിൽ നിന്നുള്ള വനിതയും. യോ​ഗ പ്ര​ചാ​ര​ക​യും കു​വൈ​ത്തി​ലെ ആ​ദ്യ അം​ഗീ​കൃ​ത യോ​ഗ സ്റ്റു​ഡി​യോ (ദ​രാ​ത്മ) സ്ഥാ​പ​ക​യു​മാ​യ ശൈഖ ശൈഖ അലി അൽ ജാബിർ അൽ സബാഹിനെയാണ് ഇന്ത്യ പത്മശ്രീ പുരസ്കാരം നൽകി ആദരിച്ചത്. ഇന്ത്യയും കുവൈത്തും തമ്മിലുള്ള ഹൃദ്യമായ ബന്ധത്തിന്‍റെ അടയാളം കൂടിയായി ഈ പത്മശ്രീ പുരസ്കാര പ്രഖ്യാപനം.കു​വൈ​ത്തി​ലെ യോ​ഗ വി​ദ്യാ​ഭ്യാ​സ രം​ഗ​ത്തെ മു​ൻ​നി​ര​ക്കാ​രി​യായ ശൈഖ അൽ ജാബിര്‍ അൽ സബാഹിന്‍റെ അ​ക്കാ​ദ​മി​യി​ലൂ​ടെ എ​ല്ലാ വ​ർ​ഷ​വും നൂ​റു​ക​ണ​ക്കി​നാ​ളു​ക​ളാ​ണ് യോ​ഗ പ​രി​ശീ​ലനം നേടുന്നത്. രാജകുടുംബാംഗമായ ശൈഖ എഎൽജെഅൽ സബാഹ് അഭിഭാഷക, സംരംഭക, മാനുഷികാവകാശ പ്രവർത്തക എന്നീ നിലകളിൽ പ്രശസ്തയാണ്. 2001ലാണ് തന്‍റെ യോഗ യാത്ര ആരംഭിച്ചത്. 2014ൽ കുവൈത്തിലെ ആദ്യത്തെ ലൈസൻസുള്ള യോഗ സ്റ്റുഡിയോയായ ദാരത്മ സ്ഥാപിച്ചു.