ഐഎംഡി കണക്ക് തിരുത്തി; ഡൽഹിയിൽ മഴ കുറവ്

ഡൽഹിയിലെ ഓഗസ്റ്റ് മഴയുടെ കണക്കിൽ ഐഎംഡിക്ക് പിഴവ് സംഭവിച്ചതായി റിപ്പോർട്ട്. ഓഗസ്റ്റ് ആദ്യ 10 ദിവസങ്ങളിൽ 234.5 മില്ലിമീറ്റർ മഴ ലഭിച്ചതായി തിങ്കളാഴ്ച അറിയിച്ചെങ്കിലും പിന്നീട് കണക്ക് 197.2 മില്ലിമീറ്ററായി തിരുത്തി. ഓഗസ്റ്റ് 5–6 കാലയളവിലെ മഴ 56 മില്ലിമീറ്ററിന് പകരം 18.7 മില്ലിമീറ്ററാണെന്ന് കണ്ടെത്തിയതോടെയാണ് കണക്കിൽ വലിയ വ്യത്യാസം വന്നത്. ഇതോടെ ഡൽഹിയിലെ ഓഗസ്റ്റ് മഴ ഇപ്പോഴും ദീർഘകാല ശരാശരിയായ 233.1 മില്ലിമീറ്ററിന് താഴെയാണ്. പിഴവിന്റെ കാരണം വ്യക്തമാക്കാൻ ഐഎംഡി ഉദ്യോഗസ്ഥർ തയ്യാറായില്ല.