ഇന്ത്യന്‍ 2വിന്‍റെ ക്ഷീണം തീര്‍ത്തോ ഷങ്കര്‍, ഗെയിം ചേഞ്ചർ പ്രതികരണം

ഹൈദരാബാദ്: തെലുങ്ക് സൂപ്പർസ്റ്റാർ രാം ചരണും സൂപ്പര്‍ സംവിധായകൻ ഷങ്കറും ഒന്നിച്ച ഏറ്റവും പ്രതീക്ഷയോടെ കാത്തിരിക്കുന്ന ചിത്രം ഗെയിം ചേഞ്ചർ ഇന്ന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്തു. ആന്ധ്രാപ്രദേശ്, തെലങ്കാന, കർണാടക എന്നിവിടങ്ങളിലും പല തിയേറ്ററുകളിലും അതിരാവിലെ ഷോ നടന്നിരുന്നു. അതിരാവിലെ ഷോ അവസാനിച്ചതോടെ എക്സ് അടക്കം സോഷ്യല്‍ മീഡിയകളില്‍ ചിത്രത്തിന്‍റെ അവലോകനങ്ങള്‍ നിറയുകയാണ്.എക്‌സിനെക്കുറിച്ചുള്ള നിരവധി അവലോകനങ്ങൾ ഗെയിം ചേഞ്ചറിലെ രാം ചരണിന്‍റെ പ്രകടനത്തെ വാഴ്ത്തുന്നുണ്ട് ആരാധകര്‍. എന്നാല്‍ ചിത്രത്തിന് ചില ആളുകള്‍ സമിശ്രമായ പ്രതികരണമാണ് നടത്തിയത്. ചിത്രം നല്‍കുന്ന സന്ദേശം മികച്ചതാണെന്ന് അഭിപ്രായപ്പെടുന്നവരും ഏറെയാണ്. ഏതാണ്ട് 450 കോടിയിലേറെ മുടക്കിയാണ് ചിത്രം ഒരുക്കിയിരിക്കുന്നത്.