ഫ്ലൈദുബായിയുടെ ധീരനായ പൈലറ്റിനെ രക്ഷിക്കാൻ ഒരു ദന്തഡോക്ടർ

ടെൽ അവീവിലേക്ക് പോകുകയായിരുന്ന ഫ്ലൈദുബായ് എഫ്‌ഇസഡ് 1073 വിമാനത്തിൽ സഹപൈലറ്റ് നടത്തിയ ആക്രമണത്തിൽ ഗുരുതരമായി പരിക്കേറ്റ ഇന്ത്യൻ പൈലറ്റിന്റെ ജീവൻ രക്ഷിക്കുന്നതിൽ ഇസ്രായേലി ദന്തഡോക്ടർ ഷോത മുസായേവ് നിർണായക പങ്കുവഹിച്ചു. കോക്പിറ്റിൽ ആക്രമണം നടന്നതിനെ തുടർന്ന് തലയിലും കഴുത്തിലും കൈകളിലും ആഴത്തിലുള്ള മുറിവുകളോടെ രക്തസ്രാവമുണ്ടായിരുന്ന പൈലറ്റിന് 45 മിനിറ്റോളം തുടർച്ചയായി പ്രഷർ ഡ്രെസ്സിംഗും ഐസ് പാക്കുകളും ഉപയോഗിച്ച് അടിയന്തര ചികിത്സ നൽകി. പൈലറ്റിന്റെ നാഡിമിടിപ്പ് അപകടകരമാംവിധം കുറഞ്ഞപ്പോൾ കാലുകൾ ഉയർത്തിവെച്ച് നില സ്ഥിരപ്പെടുത്താനും അദ്ദേഹം ശ്രമിച്ചു. “ദയവായി എന്നെ സഹായിക്കൂ, എനിക്ക് ഇവിടെവെച്ച് മരിക്കണ്ട” എന്ന് പൈലറ്റ് അഭ്യർഥിച്ചതായി മുസായേവ് പറഞ്ഞു. വിമാനത്തിലുണ്ടായിരുന്ന യാത്രക്കാരുടെ സഹായത്തോടെ ആക്രമിയെ കീഴ്പ്പെടുത്തുകയും വിമാനം സുരക്ഷിതമായി തിരിച്ചുവിടുകയും ചെയ്തതിന് പിന്നാലെയാണ് ദന്തഡോക്ടർ പൈലറ്റിന്റെ ചികിത്സ ഏറ്റെടുത്തത്. ഗുരുതരമായി പരിക്കേറ്റ പൈലറ്റ് യുഎഇയിലെ ആശുപത്രിയിൽ ചികിത്സയിൽ കഴിയുകയാണ്.