ബജറ്റ് 4000 കോടി; ‘രാമായണ’ സിനിമയില്‍ താരങ്ങള്‍ക്ക് ലഭിക്കുന്ന പ്രതിഫലം എത്ര?

നിതേഷ് തിവാരി സംവിധാനം ചെയ്യുന്ന ബിഗ് ബജറ്റ് ചിത്രം രാമായണം ഇന്ത്യൻ സിനിമാ ലോകം ഏറെ പ്രതീക്ഷയോടെ കാത്തിരിക്കുന്ന പ്രോജക്ടുകളിലൊന്നാണ്. രണ്ട് ഭാഗങ്ങളിലായി ഒരുങ്ങുന്ന ചിത്രത്തിന്റെ ആകെ ബജറ്റ് ഏകദേശം 4000 കോടി രൂപയാണെന്നാണ് റിപ്പോർട്ടുകൾ. ശ്രീരാമനായി എത്തുന്ന രൺബീർ കപൂർ ഓരോ ഭാഗത്തിനും 75 കോടി രൂപ വീതം, ആകെ 150 കോടി രൂപയാണ് പ്രതിഫലം വാങ്ങുന്നതെന്നാണ് വിവരം. രാവണനായി അഭിനയിക്കുന്ന യഷ് ഓരോ ഭാഗത്തിനും 50 കോടി രൂപ വീതം, ആകെ 100 കോടി രൂപയും നേടും. സീതയായി എത്തുന്ന സായ് പല്ലവിക്ക് രണ്ട് ഭാഗങ്ങൾക്കുമായി 12 കോടി രൂപയും ലക്ഷ്മണനായി എത്തുന്ന രവി ദുബെയ്ക്ക് 20 കോടി രൂപയും ലഭിക്കുമെന്നാണ് റിപ്പോർട്ട്. ഹനുമാന്റെ വേഷത്തിലെത്തുന്ന സണ്ണി ഡിയോൾ രണ്ട് ഭാഗങ്ങൾക്കായി 40 കോടി രൂപ വാങ്ങുമെന്നും സൂചനയുണ്ട്. ശോഭന കൈകേയിയായും അരുൺ ഗോവിൽ ദശരഥനായും എത്തുന്ന ചിത്രത്തിൽ രാകുൽ പ്രീത് സിങ്, അജിങ്ക്യ ഡിയോ, കുണാൽ കപൂർ എന്നിവരും പ്രധാന വേഷങ്ങളിലുണ്ട്. സംഗീതരംഗത്ത് ഓസ്കർ ജേതാക്കളായ Hans Zimmer, A. R. Rahman എന്നിവർ ഒന്നിക്കുന്നതും ചിത്രത്തിന്റെ പ്രത്യേക ആകർഷണമാണ്.