അര്ത്തുങ്കല് ഭാഗത്ത് കടലില് മത്സ്യബന്ധനത്തിനിടെ കാണാതായ പൊന്നാനി സ്വദേശി ഷൗക്കത്തിന്റെ മൃതദേഹം തോട്ടപ്പള്ളി ഫിഷറീസ് സ്റ്റേഷന് പെട്രോളിങ് ബോട്ട് കണ്ടെത്തി. മുബാറക് ബോട്ടിലെ ജീവനക്കാരനായിരുന്ന ഇയാളെ പുലർച്ചെ മത്സ്യബന്ധനത്തിനിടെ കാണാതാവുകയായിരുന്നു. അറിയിപ്പ് ലഭിച്ചതിനെ തുടർന്ന് ഡെപ്യൂട്ടി ഡയറക്ടറുടെ നിർദേശപ്രകാരം തോട്ടപ്പള്ളി മത്സ്യബന്ധന കേന്ദ്രത്തിൽ നിന്ന് പുറപ്പെട്ട പട്രോളിങ് ബോട്ട് നടത്തിയ തിരച്ചിലിലാണ് മൃതദേഹം കണ്ടെത്തിയത്.
മൃതദേഹം പരിശോധനയ്ക്കായി അർത്തുങ്കല തീരദേശ പോലീസ് സ്റ്റേഷന് വിട്ടുകൊടുത്തു. ഫിഷറീസ് ഗാര്ഡ് രാഹുല്, ലൈഫ് ഗാര്ഡുമാരായ ജയന്, ജോര്ജ് എന്നിവര് തിരച്ചിലില് പങ്കെടുത്തു. തോട്ടപ്പള്ളി ഫിഷറീസ് അസിസ്റ്റന്റ് ഡയറക്ടര് സിബി സോമന്, അസിസ്റ്റന്റ് ഡയറക്ടര് മിലി ഗോപിനാഥ് എന്നിവര് പ്രവര്ത്തനം ഏകോപിപ്പിച്ചു.
