പുത്തരിക്കണ്ടം മൈതാനിയിൽ നടന്ന പുതുയുഗയാത്രയുടെ സമാപന സമ്മേളനം ലോക്സഭാ പ്രതിപക്ഷ നേതാവ് Rahul Gandhi ഉദ്ഘാടനം ചെയ്തു. ചടങ്ങിൽ സംസാരിച്ച അദ്ദേഹം, യുഎസുമായി വ്യാപാര കരാർ ഒപ്പിട്ടതിലൂടെ പ്രധാനമന്ത്രി Narendra Modi രാജ്യത്തെ വഞ്ചിച്ചുവെന്ന് ആരോപിച്ചു. അമേരിക്ക നിർദ്ദേശിക്കുന്ന രാജ്യങ്ങളിൽ നിന്നുമാത്രം ഇന്ത്യ എണ്ണ വാങ്ങുമെന്ന് പ്രധാനമന്ത്രി ധാരണയിലെത്തിയെന്നും അദ്ദേഹം പറഞ്ഞു.ജനങ്ങളുടെ ഡേറ്റ ഇന്ത്യൻ സർക്കാർ അമേരിക്കയ്ക്ക് കൈമാറിയതായും രാഹുൽ ഗാന്ധി ആരോപിച്ചു. ‘എപ്സ്റ്റീൻ ഫയലുകൾ’ ഇനിയും പുറത്തുവരാനുണ്ടെന്നും, ആ ഫയലുകളിൽ പ്രധാനമന്ത്രിയുടെ പേരുമുണ്ടെന്ന ആശങ്കയാണ് അദ്ദേഹത്തെ അമേരിക്കയുമായുള്ള കരാറിൽ ഒപ്പിടാൻ നിർബന്ധിച്ചതെന്നും രാഹുൽ ഗാന്ധി പറഞ്ഞു.മുൻ അമേരിക്കൻ പ്രസിഡന്റ് Donald Trump ആണ് പ്രധാനമന്ത്രിയെ നിയന്ത്രിക്കുന്നതെന്നും, അതുപോലെ തന്നെയാണ് പ്രധാനമന്ത്രി കേരള മുഖ്യമന്ത്രി Pinarayi Vijayan നെ നിയന്ത്രിക്കുന്നതെന്നും രാഹുൽ ഗാന്ധി വിമർശിച്ചു.പുത്തരിക്കണ്ടം മൈതാനിയിലെ വലിയ ജനക്കൂട്ടത്തിനുമുന്നിൽ നടത്തിയ പ്രസംഗത്തിൽ കേന്ദ്ര സർക്കാരിന്റെ വിദേശനയം, സാമ്പത്തിക നയം, ഡാറ്റ സുരക്ഷ തുടങ്ങിയ വിഷയങ്ങൾക്കാണ് അദ്ദേഹം ശക്തമായി വിമർശനം ഉന്നയിച്ചത്.
അഞ്ചു ഉറപ്പുകളുമായി രാഹുല്
1.സ്ത്രീകൾക്ക് കെഎസ്ആര്ടിസിയില് സൗജന്യ യാത്ര. ഇത് സ്ത്രീകളുടെ യാത്രാസൗകര്യം വർധിപ്പിക്കുകയും കുടുംബങ്ങളുടെ ദൈനംദിന ചിലവ് കുറയ്ക്കുകയും ചെയ്യും. സംസ്ഥാനത്തെ ഉന്നതവിദ്യാഭ്യാസ രംഗത്തേക്ക് കടന്നുവരുന്ന പെൺകുട്ടികളെ പ്രോത്സാഹിപ്പിക്കുന്നതിനായി കോളജ് വിദ്യാർത്ഥിനികൾക്ക് മാസംതോറും 1,000 രൂപ സാമ്പത്തിക സഹായം നൽകും.
2. സമൂഹത്തിലെ പാർശ്വവൽക്കരിക്കപ്പെട്ടവർക്ക് അർഹമായ സാമ്പത്തിക സുരക്ഷ ഉറപ്പാക്കുന്നതിനായി സാമൂഹിക ക്ഷേമ പെൻഷൻ 3,000 രൂപയായി വർധിപ്പിക്കും.
3.ഉമ്മൻചാണ്ടി ആരോഗ്യ ഇൻഷുറൻസ് പദ്ധതിയിലൂടെ ഓരോ കുടുംബത്തിനും 25 ലക്ഷം രൂപ വരെയുള്ള ചികിത്സാ പരിരക്ഷ ലഭിക്കും. സാമ്പത്തിക ബാധ്യതയില്ലാതെ മികച്ച ചികിത്സ എല്ലാവർക്കും ലഭ്യമാക്കുകയാണ് ഇതിലൂടെ ലക്ഷ്യമിടുന്നത്.
4. സംരംഭങ്ങൾ തുടങ്ങുന്നതിനും തൊഴിലവസരങ്ങൾ സൃഷ്ടിക്കുന്നതിനുമായി യുവാക്കൾക്ക് 5 ലക്ഷം രൂപ വരെ പലിശരഹിത വായ്പ നൽകും. 5 കേരളത്തിലെ വയോജനങ്ങളുടെ ക്ഷേമം, സംരക്ഷണം, അന്തസ്സ് എന്നിവ ഉറപ്പാക്കുന്നതിനായി ഒരു പ്രത്യേക വകുപ്പ് രൂപീകരിക്കും.
