കുടിയേറ്റക്കാരുടെ പ്രവാഹം നിലച്ചു; വേ​ലിനി​ര്‍​മാ​ണം തുടങ്ങിയെന്ന്‌ സ്പെയിൻ

മൊറോക്കോയിൽ നിന്ന് സ്പെയിനിന്റെ ആഫ്രിക്കൻ പ്രദേശമായ സെവ്തയിലേക്കുണ്ടായ വൻ കുടിയേറ്റ പ്രവാഹം താത്കാലികമായി നിലച്ചതായി റിപ്പോർട്ടുകൾ. യൂറോപ്പിലേക്ക് കടക്കാൻ ഏകദേശം 50,000 പേർ ശ്രമിച്ചെങ്കിലും 48,000 പേരും മൊറോക്കോയിലേക്ക് മടങ്ങിയെന്നാണ് സ്പാനിഷ് വൃത്തങ്ങൾ അറിയിച്ചത്. സമാന സംഭവങ്ങൾ ആവർത്തിക്കാതിരിക്കാൻ സെവ്ത-മൊറോക്കോ സമുദ്രാതിർത്തിയിൽ വെള്ളത്തിൽ പൊങ്ങിക്കിടക്കുന്ന വേലി നിർമ്മാണം സ്പെയിൻ ആരംഭിച്ചു. അതിർത്തി മറികടക്കാനുള്ള ശ്രമങ്ങൾക്കിടെ തിക്കിലും തിരക്കിലും പെട്ടും മുങ്ങിയും 67 പേർ മരിച്ചതായും റിപ്പോർട്ടുണ്ട്. സംഭവത്തെ തുടർന്ന് സ്പെയിന്റെ കുടിയേറ്റ നയത്തെ ചൊല്ലി യൂറോപ്യൻ യൂണിയനിൽ ഭിന്നത ഉയർന്നിരിക്കുകയാണ്. യൂറോപ്പിലേക്കുള്ള അനധികൃത കുടിയേറ്റം തടയാൻ സ്പെയിൻ കൂടുതൽ കർശന നടപടികൾ സ്വീകരിക്കണമെന്ന് ചില അംഗരാജ്യങ്ങൾ ആവശ്യപ്പെട്ടപ്പോൾ, വിഷയത്തിൽ യൂറോപ്യൻ ആഭ്യന്തര മന്ത്രിമാരുടെ അടിയന്തര യോഗം വിളിക്കണമെന്നും ആവശ്യം ഉയർന്നു.