കൊച്ചി: കേരളം കാത്തിരിക്കുന്ന ഇന്വസ്റ്റ് കേരള ആഗോള നിക്ഷേപക ഉച്ചകോടിയ്ക്ക് (ഐകെജിഎസ്) വെള്ളിയാഴ്ച തുടക്കമാകും. മുഖ്യമന്ത്രി പിണറായി വിജയന് ഉദ്ഘാടനം ചെയ്യുന്ന ഉച്ചകോടിയില് കേന്ദ്ര – സംസ്ഥാന മന്ത്രിമാരും വിദേശരാജ്യ പ്രതിനിധികളും സംബന്ധിക്കുമെന്ന് വ്യവസായമന്ത്രി പി രാജീവ് അറിയിച്ചു. ലുലു ബോള്ഗാട്ടി ഇന്റര്നാഷണല് കണ്വെന്ഷന് സെന്ററിലാണ് ദ്വിദിന ഉച്ചകോടി നടക്കുന്നത്.വ്യവസായ-കയര്-നിയമവകുപ്പ് മന്ത്രി പി രാജീവ് അധ്യക്ഷനാകുന്ന ഉദ്ഘാടന ചടങ്ങില് ചീഫ് സെക്രട്ടറി ശാരദാ മുരളീധരന് സ്വാഗതം ആശംസിക്കും. ഉദ്ഘാടന പ്രസംഗത്തിനു ശേഷം കേന്ദ്ര ഉപരിതല ഗതാഗത വകുപ്പ് മന്ത്രി നിഥിന് ഗഡ്കരി(ഓണ്ലൈന്), വാണിജ്യമന്ത്രി പീയൂഷ് ഗോയല്, നൈപുണ്യ വികസന മന്ത്രി ജയന്ത് ചൗധരി എന്നിവര് സംസാരിക്കും. യുഎഇ സാമ്പത്തിക മന്ത്രി അബ്ദുള്ള ബിന് തുക് അല്മാരി, ബഹ്റൈന് വാണിജ്യ-വ്യവസായമന്ത്രി അബ്ദുള്ള ബിന് അദെല് ഫഖ്രു, പ്രതിപക്ഷനേതാവ് വി ഡി സതീശന്, പ്രമുഖ വ്യവസായിയും നോര്ക്ക റൂട്ട്സ് വൈസ് ചെയര്മാനുമായ എം എ യൂസഫ് അലി, സിഐഐ പ്രസിഡന്റ് സഞ്ജീവ് പൂരി, അദാനി പോര്ട്സ് എം ഡി കരണ് അദാനി തുടങ്ങിയവരും സംസാരിക്കും. വ്യവസായവകുപ്പ് പ്രിന്സിപ്പല് സെക്രട്ടറി എപിഎം മുഹമ്മദ് ഹനീഷ് നന്ദി പ്രകാശിപ്പിക്കും.ഫ്രാന്സ്, മലേഷ്യ എന്നിവിടങ്ങളിലെ പ്രതിനിധികളുമായി ബിടുബി കൂടിക്കാഴ്ചകളുമുണ്ടാകും. പ്രമോദ് പയ്യന്നൂര് ഒരുക്കുന്ന കലാപരിപാടിയടക്കമുള്ള സാംസ്ക്കാരിക സന്ധ്യയും വിനോദപരിപാടികളുമുണ്ടാകും. പാനല് ചര്ച്ചകളിലെ മേഖലകളില് നിന്നുള്ള തെരഞ്ഞെടുത്ത കമ്പനികള് കേരളത്തിലെ പൊതുമേഖലാ സ്ഥാപനങ്ങള്, 105 പൊതുമേഖലയിലെ കരകൗശല സ്ഥാപനങ്ങള്, കമ്പനികള് എന്നിവയുടെ പ്രദര്ശനവും ഉച്ചകോടിയിലുണ്ടാകും. ഉന്നത സര്ക്കാര് ഉദ്യോഗസ്ഥര്, ആഗോളതലത്തിലുള്ള ബിസിനസ് നയകര്ത്താക്കള്, തുടങ്ങിയവര് സമ്മേളനത്തില് പങ്കെടുക്കും. 28 പ്രത്യേക സെഷനുകള്, ആറ് രാജ്യങ്ങളുടെ സഹകരണം, 3000 പ്രതിനിധികള്, തുടങ്ങിയവ ദ്വിദിന ഉച്ചകോടിയുടെ ആകര്ഷണങ്ങളാണ്
AI മുന്നേറ്റത്തിന്റെ ആഘാതം: ആന്ത്രോപിക്കിന്റെ പുതിയ ടൂൾ പ്രധാന ഐടി ഓഹരികളെ താഴേക്ക് വലിച്ചു
February 4, 2026
No Comments
