ട്രംപും മോദിയും തമ്മിൽ നല്ല ബന്ധം; താരിഫ് പ്രശ്നം പരിഹരിക്കപ്പെടും: യുഎസ് ഉദ്യോഗസ്ഥൻ

റഷ്യൻ ക്രൂഡ് ഓയിൽ വാങ്ങുന്ന രാജ്യങ്ങൾക്ക് 100% വരെ അധിക താരിഫ് ചുമത്താൻ അധികാരം നൽകുന്ന ലിൻഡ്സെ ഗ്രഹാം ബിൽ യുഎസ് സെനറ്റ് 86-11 വോട്ടിന് പാസാക്കി. ഇന്ത്യയെയും ചൈനയെയും ഉൾപ്പെടെ റഷ്യയിൽ നിന്ന് എണ്ണയും പ്രകൃതിവാതകവും വാങ്ങുന്ന പ്രധാന രാജ്യങ്ങളെ ലക്ഷ്യമിടുന്നതാണ് ബിൽ. എന്നാൽ ഇന്ത്യക്കെതിരായ താരിഫ് വിഷയത്തിൽ പ്രധാനമന്ത്രി നരേന്ദ്ര മോദിയും പ്രസിഡന്റ് ഡൊണാൾഡ് ട്രംപും തമ്മിൽ നല്ല പ്രവർത്തന ബന്ധമുണ്ടെന്നും പ്രശ്നം ഇരുവരും പരിഹരിക്കുമെന്നും വൈറ്റ് ഹൗസ് വ്യാപാര ഉപദേഷ്ടാവ് പീറ്റർ നവാരോ പറഞ്ഞു. നിയമമാകാൻ പ്രതിനിധിസഭയുടെ അംഗീകാരവും ആവശ്യമാണ്.