രക്തത്തെ അടിസ്ഥാനമാക്കിയുള്ള കാൻസർ പ്രാരംഭ ഘട്ട കണ്ടെത്തലിനുള്ള പേറ്റന്റ് റിലയൻസിന്റെ സ്ട്രാൻഡ് ലൈഫ് സയൻസസിന് ലഭിച്ചു.

രക്തസാമ്പിളിൽ നിന്ന് പ്രാരംഭ കാൻസർ കണ്ടെത്തൽ; റിലയൻസിന്റെ സ്ട്രാൻഡ് ലൈഫ് സയൻസസിന് പേറ്റന്റ്രക്തപരിശോധനയിലൂടെ പ്രാരംഭ ഘട്ടത്തിൽ തന്നെ കാൻസർ കണ്ടെത്താൻ സഹായിക്കുന്ന സെൽ-ഫ്രീ ഡിഎൻഎ (cfDNA) വിശകലന പ്ലാറ്റ്‌ഫോമിന് റിലയൻസിന്റെ സ്ട്രാൻഡ് ലൈഫ് സയൻസസിന് പേറ്റന്റ് ലഭിച്ചു.ഉയർന്ന നിലവാരത്തിലുള്ള ജീനോം സീക്വൻസിംഗ്, മെത്തിലേഷൻ–ഫ്രാഗ്മെന്റോമിക് വിശകലനം, മെഷീൻ ലേണിംഗ് (AI) എന്നിവ സംയോജിപ്പിച്ച ഈ സാങ്കേതികവിദ്യ, ഒറ്റ രക്തസാമ്പിളിൽ നിന്ന് കാൻസർ കണ്ടെത്തുന്നതിനും അത് ഏത് ടിഷ്യുവിൽ നിന്നാണ് ഉത്ഭവിച്ചതെന്ന് പ്രവചിക്കുന്നതിനും സഹായിക്കുന്നു.കാൻസറിന്റെ പ്രധാന ജൈവസൂചകങ്ങളായ മെത്തിലേഷൻ പാറ്റേണുകൾ വളരെ കുറഞ്ഞ വിവരനഷ്ടത്തോടെ കണ്ടെത്താൻ കഴിയുന്നതാണ് ഈ പേറ്റന്റിന്റെ പ്രധാന സവിശേഷത. ഇതിലൂടെ രോഗം ആദ്യഘട്ടത്തിൽ തന്നെ കൂടുതൽ കൃത്യതയോടെ തിരിച്ചറിയാൻ സാധിക്കുമെന്ന് കമ്പനി അറിയിച്ചു.പ്രതിവർഷം 15 ലക്ഷത്തിലധികം പുതിയ കാൻസർ കേസുകൾ റിപ്പോർട്ട് ചെയ്യപ്പെടുന്ന സാഹചര്യത്തിൽ, ചെലവ് കുറഞ്ഞ ഈ AI-അധിഷ്ഠിത ലിക്വിഡ് ബയോപ്സി സാങ്കേതികവിദ്യ വ്യാപകമായി പ്രയോജനപ്പെടുത്താൻ കഴിയുമെന്ന് സ്ട്രാൻഡ് ലൈഫ് സയൻസസ് വ്യക്തമാക്കി. കമ്പനി സിഇഒ രമേശ് ഹരിഹരന്റെ വാക്കുകളിൽ, കൃത്യവും എല്ലാവർക്കും ലഭ്യമാകുന്നതുമായ കാൻസർ പരിശോധനയിലേക്കുള്ള സുപ്രധാന മുന്നേറ്റമാണ് ഈ നവീകരണം.