‘ദി ഒഡീസി’ ഗ്ലോബൽ പ്രീമിയറുമായി ക്രിസ്റ്റഫർ നോളൻ മുംബൈയിലേക്ക്

മുംബൈ: ലോകപ്രശസ്ത സംവിധായകൻ Christopher Nolan തന്റെ പുതിയ ചിത്രമായ The Odysseyയുടെ പ്രീമിയർ ഷോയ്ക്കായി അടുത്ത മാസം മുംബൈയിലെത്തും. ആഗോള റിലീസിന് മുന്നോടിയായുള്ള ഔദ്യോഗിക ഇന്റർനാഷണൽ ടൂറിന്റെ ഭാഗമായാണ് ഇന്ത്യയിലെ സന്ദർശനം. ലണ്ടൻ, പാരീസ്, ന്യൂയോർക്ക് എന്നിവയ്ക്കൊപ്പം മുംബൈയും ഗ്ലോബൽ പ്രീമിയർ വേദികളിൽ ഉൾപ്പെടുത്തിയിട്ടുണ്ട്. നോളനൊപ്പം പ്രധാന താരങ്ങളായ Matt Damon, Tom Holland, നിർമാതാവ് Emma Thomas എന്നിവരും ചടങ്ങിൽ പങ്കെടുക്കും. ഹോമറിന്റെ ഇതിഹാസ കൃതിയെ ആസ്പദമാക്കി ഒരുക്കിയ ചിത്രം ജൂലൈ 17ന് ലോകമെമ്പാടും റിലീസ് ചെയ്യും. പൂർണമായും IMAX ക്യാമറകളിൽ ചിത്രീകരിച്ച ആദ്യ ഫീച്ചർ ഫിലിം എന്ന പ്രത്യേകതയും ചിത്രത്തിനുണ്ട്. ഇന്ത്യയിലെ അഡ്വാൻസ് ബുക്കിങ് ആരംഭിച്ചതിന് പിന്നാലെ ഉയർന്ന ടിക്കറ്റ് നിരക്കുകൾ ചർച്ചയായെങ്കിലും, നിരവധി ഷോകൾ മിനിറ്റുകൾക്കകം ഹൗസ്‌ഫുൾ ആയതോടെ ചിത്രത്തിനായുള്ള ആരാധക ആവേശം വ്യക്തമായി.