മലപ്പുറം ജില്ലയിലെ മലയോര മേഖലകളിൽ വന്യമൃഗങ്ങൾ വൻതോതിൽ കൃഷി നശിപ്പിക്കുന്നതായി പരാതിയുണ്ട്. കഴിഞ്ഞ 24 മണിക്കൂറിനിടെ കരുവാരകുണ്ട് കൽക്കുണ്ട് ആർത്തലക്കുന്നിലെ ജനവാസ കേന്ദ്രങ്ങൾക്ക് സമീപം കാട്ടാനക്കൂട്ടം വൻ കൃഷിനാശം വരുത്തി. റബ്ബർ, തെങ്ങ്, വാഴ, കമുങ്ങ്, കപ്പ തുടങ്ങിയ കാർഷിക വിളകൾ നശിച്ചു.
കൃഷിയിടത്തിലെത്തിയ കാട്ടാനകൾ വാഴ, കമുങ്ങ്, കപ്പ എന്നിവ തൽക്ഷണം ചവിട്ടിമെതിച്ചു. ചെറുതും വലുതുമായ ഒൻപതിലധികം കാട്ടാനകളാണ് മേഖലയിൽ തമ്പടിച്ച് കാർഷിക വിളകൾ ഭക്ഷണമാക്കുന്നത്. കഴിഞ്ഞ ദിവസം പകൽ സമയത്ത് കാട്ടാനകളെത്തി വീടുകൾക്ക് നാശം വരുത്തുകയും ചെയ്തിരുന്നു. ദുരിതാശ്വാസ ക്യാമ്പിൽ കഴിയുന്നതിനാൽ വീടുകളിലെ താമസക്കാർക്ക് പരിക്കില്ല.
വയലിൽ കയറി കൃഷി നശിപ്പിക്കുന്ന കാട്ടാനകൾ കർഷകർക്ക് ദുരിതമാകുന്നു. പകൽ പോലും കൃഷിയിടത്തിൽ നിന്ന് ഇറങ്ങാറില്ലെന്ന് കർഷകരും പറയുന്നു. ആനകൾ കൃഷിയിടങ്ങളിൽ ഇറങ്ങുന്നത് തടയാൻ വനംവകുപ്പ് ഉദ്യോഗസ്ഥർ നടപടി സ്വീകരിക്കണമെന്നാണ് കർഷകരുടെ ആവശ്യം.
