ഇന്ത്യൻ റോഡുകളിലെ ഹോൺ ശബ്‍ദം പലപ്പോഴും മുറിയിൽ ഇരുന്ന് കരഞ്ഞു” വിദേശയുവതിയുടെ കുറിപ്പ് വൈറൽ

ജാപ്പനീസ് യുവതിയുടെ ഇന്ത്യയെക്കുറിച്ചുള്ള യാത്രാ വിവരണം സോഷ്യൽ മീഡിയയിൽ വൈറലാകുന്നു. പൊതുനിരത്തുകളിലെ നിർത്താതെയുള്ള ഹോണടിയും ബ്ലോക്കുകളും സഹിക്കാവുന്നതിലും അപ്പുറമാണെന്നായിരുന്നു യുവതി എഴുതിയത്. പഞ്ചാബ്, ആഗ്ര, രാജസ്ഥാൻ എന്നിവിടങ്ങൾ സന്ദർശിക്കുകയും ഇന്ത്യൻ സംസ്കാരത്തെയും വൈവിധ്യത്തെയും പ്രശംസിക്കുകയും ചെയ്ത ശേഷമായിരുന്നു യുവതിയുടെ ഈ തുറന്നുപറച്ചിൽ. ഇന്ത്യൻ നഗരങ്ങളിൽ എല്ലായ്‌പ്പോഴും ബഹളം നടക്കുന്നുണ്ടെന്നും അതിനാലാണ് തനിക്ക് മാനസികമായി തളർച്ച അനുഭവപ്പെടുന്നതെന്നും യുവതി പറഞ്ഞു. ബഹളം കാരണം പലതവണ മുറിയിൽ ഇരുന്ന് കരയേണ്ടി വന്നതായി യുവതി എഴുതി. അവരുടെ അനുഭവം ഇന്ത്യൻ വിനോദസഞ്ചാരത്തെയും ജീവിതരീതിയെയും കുറിച്ച് ഒരു പുതിയ കാഴ്ചപ്പാട് നൽകി.ഇന്ത്യയിലെ ഭക്ഷണം അതീവരുചികരമാണെങ്കിലും പൊതുനിരത്തുകളിലെ നിർത്താതെയുള്ള ഹോണടി സഹിക്കാവുന്നതിലുമപ്പുറമാണെന്ന് യുവതി റെഡ്ഡിറ്റിൽ കുറിച്ചു. തനിക്ക് ഇന്ത്യയെ ഇഷ്ടമായിരുന്നെങ്കിലും കരയിപ്പിക്കുന്ന തരത്തിൽ അസ്വസ്ഥയായ സന്ദർഭങ്ങൾ നിരവധിയുണ്ടായിരുന്നുവെന്നും യുവതി പറയുന്നു. “ഞാൻ ഇപ്പോൾ ഇന്ത്യ സന്ദർശിക്കുന്ന ഒരു ജപ്പാൻകാരനാണ്. ഒന്നാമതായി, ഞാൻ ഇന്ത്യയെ സ്നേഹിക്കുന്നുവെന്ന് പറയാൻ ഞാൻ ആഗ്രഹിക്കുന്നു, ”ഇന്ത്യയിലെ ഭക്ഷണവും വസ്ത്രവും തനിക്ക് വളരെയധികം ഇഷ്ടമാണെന്നും അവർ തൻ്റെ നീണ്ട പോസ്റ്റിൽ കുറിച്ചു. ഹിന്ദുസ്ഥാൻ ടൈംസിൻ്റെ റിപ്പോർട്ട് അനുസരിച്ച്, ഇവിടെ ഭക്ഷണം രുചികരമാണെന്നും സഹായം ചോദിക്കുമ്പോൾ മിക്ക ആളുകളും സഹായിക്കുന്നുവെന്നും എന്നാൽ ഇവിടെ ജീവിക്കാനും ബുദ്ധിമുട്ടാണെന്നും അവ‍ർ എഴുതി. അന്തരീക്ഷം എപ്പോഴും വളരെ ബഹളമയമാണ്, അത് വളരെ ഭാരമേറിയതായിത്തീരുന്നു. അസ്വസ്ഥത കാരണം ഞാൻ എൻ്റെ മുറിയിൽ ഇരുന്ന് പലപ്പോഴും കരഞ്ഞു.ഉച്ചത്തിലുള്ള ഹോൺ ശബ്‍ദവും മറ്റും കാരണം തനിക്ക് ഒരുപാട് ബുദ്ധിമുട്ടുകൾ നേരിടേണ്ടി വന്നതായി അവ‍ പറഞ്ഞു. രാത്രിയുടെ എല്ലാ മണിക്കൂറിലും അവർ ഉച്ചത്തിലുള്ള സംഗീതത്തിൻ്റെയും പടക്കംകളുടെയും മുഴക്കം അഭിമുഖീകരിക്കേണ്ടി വന്നു