ഫാഷനല്ല, പാരമ്പര്യം; കൈത്തറി വസ്ത്രങ്ങളിലൂടെ മോദിയുടെ ‘വോക്കൽ ഫോർ ലോക്കൽ’

നരേന്ദ്ര മോദിയുടെ വസ്ത്രധാരണ ശൈലിയിൽ ഇന്ത്യൻ കൈത്തറി പാരമ്പര്യത്തിന് എന്നും പ്രത്യേക സ്ഥാനമുണ്ട്. ദേശീയ കൈത്തറി ദിനത്തോടനുബന്ധിച്ച് ഇന്ത്യൻ നെയ്ത്ത് പാരമ്പര്യങ്ങളെയും കരകൗശല വിദഗ്ധരെയും പിന്തുണയ്ക്കുന്ന അദ്ദേഹത്തിന്റെ സമീപനം വീണ്ടും ശ്രദ്ധ നേടുകയാണ്. വർണ്ണാഭമായ പരമ്പരാഗത തലപ്പാവുകൾ, കൈകൊണ്ട് നെയ്ത ഷാളുകൾ, സ്റ്റോളുകൾ, സ്കാർഫുകൾ, നെഹ്‌റു ജാക്കറ്റുകൾ തുടങ്ങിയവയിലൂടെ വിവിധ സംസ്ഥാനങ്ങളുടെ തനത് തുണിത്തര പൈതൃകം അദ്ദേഹം ദേശീയ-അന്തർദേശീയ വേദികളിൽ അവതരിപ്പിച്ചിട്ടുണ്ട്. പ്രാദേശിക കരകൗശല ഉൽപ്പന്നങ്ങൾ വാങ്ങാനും നെയ്ത്തുകാരെ പിന്തുണയ്ക്കാനും അദ്ദേഹം നിരന്തരം ആഹ്വാനം ചെയ്യാറുണ്ട്. അതുകൊണ്ടുതന്നെ, മോദിയുടെ കൈത്തറി വസ്ത്രങ്ങളോടുള്ള താൽപര്യം ഫാഷനിൽ ഒതുങ്ങുന്നതല്ലെന്നും, ഇന്ത്യയുടെ സമ്പന്നമായ പാരമ്പര്യവും നെയ്ത്തുകാരുടെ കഴിവും ലോകത്തിന് മുന്നിൽ പരിചയപ്പെടുത്താനുള്ള ഒരു മാർഗമായും അത് മാറിയിട്ടുണ്ടെന്നും വിലയിരുത്തപ്പെടുന്നു.