ഇന്ത്യയിൽ $25 ബില്യൺ നിക്ഷേപത്തിന് യുഎഇ

ഇന്ത്യയിലേക്ക് 25 ബില്യൺ ഡോളർ നിക്ഷേപിക്കാൻ യുഎഇഇന്ത്യയിൽ 25 ബില്യൺ ഡോളറിന്റെ പുതിയ നിക്ഷേപങ്ങൾ നടത്താൻ യു.എ.ഇ താൽപ്പര്യം പ്രകടിപ്പിച്ചതായി കേന്ദ്ര വാണിജ്യ-വ്യവസായ മന്ത്രി പിയൂഷ് ഗോയൽ അറിയിച്ചു. ഇതോടെ ഇന്ത്യയിലെ യു.എ.ഇയുടെ ആകെ നിക്ഷേപം 100 ബില്യൺ ഡോളറിലെത്തിക്കുകയാണ് ലക്ഷ്യം.തുറമുഖങ്ങൾ, കപ്പൽ നിർമ്മാണം, ഊർജം, ബഹിരാകാശം, ലോജിസ്റ്റിക്സ് തുടങ്ങിയ മേഖലകളിലെ സഹകരണം ശക്തമാക്കാനും തീരുമാനമായി. കപ്പൽ ഉടമസ്ഥത, ആധുനിക തുറമുഖ വികസനം, കപ്പൽ നിർമ്മാണം-അറ്റകുറ്റപ്പണി, കണ്ടെയ്നർ നിർമ്മാണം ഉൾപ്പെടെ ആറ് മേഖലകളിൽ സഹകരണത്തിനായി പ്രത്യേക വർക്കിംഗ് ഗ്രൂപ്പ് രൂപീകരിക്കും.രൂപ-ദിർഹം ഇടപാടുകളിലെ പ്രാദേശിക നാണയ വിനിമയം ഇരട്ട അക്ക വളർച്ചയിലെത്തിയതായും മന്ത്രി വ്യക്തമാക്കി. തന്ത്രപ്രധാന പെട്രോളിയം ശേഖരം വിപുലീകരിക്കുന്നതിലും ഭാവിയിൽ തുറമുഖ ശേഷി ഇരട്ടിയാക്കുന്നതിലും യു.എ.ഇ ഇന്ത്യയുടെ വിശ്വസ്ത പങ്കാളിയായി തുടരുമെന്നും അദ്ദേഹം പറഞ്ഞു.