ഹോങ്കോങ് സിനിമയിലെ വമ്പന് ഹിറ്റായി മാറിയ ‘ട്വിലൈറ്റ് ഓഫ് ദി വാരിയേഴ്സ്: വാല്ഡ് ഇന്’ എന്ന ചിത്രം ഇന്ത്യന് ഭാഷകളില് റിലീസിന് ഒരുങ്ങുന്നു. ഹോങ്കോങിലും ചൈനയിലും 2024 മെയ് മാസത്തില് തിയറ്ററുകളിലെത്തിയ ചിത്രമാണിത്. മാര്ഷ്യല് ആര്ട്സ് ആക്ഷന് ഗണത്തില് പെടുന്ന ചിത്രം ആഭ്യന്തര വിപണിയില് നേടിയ വന് സ്വീകാര്യതയ്ക്ക് പിന്നാലെ യുഎസ്, യുകെ, ഫ്രാന്സ്, സൗത്ത് കൊറിയ എന്നിങ്ങനെ നിരവധി വിദേശ മാര്ക്കറ്റുകളിലേക്കും റിലീസ് ചെയ്തു. അവിടെയൊക്കെ മികച്ച കളക്ഷനും സ്വന്തമാക്കി. ഇതുവരെയുള്ള ആഗോള ഗ്രോസ് 1000 കോടിയോടടുക്കും എന്നാണ് റിപ്പോര്ട്ടുകള്. ഹോങ്കോങ് സിനിമയിലെ എക്കാലത്തെയും വലിയ ഹിറ്റുകളിലൊന്നുമാണ് ഈ ചിത്രം. ഹോങ്കോങ് വാരിയേഴ്സ് എന്ന പേരിലാണ് ചിത്രം ഇന്ത്യന് തിയറ്ററുകളില് എത്തുക. തെലുങ്ക്, ഇംഗ്ലീഷ്, ഹിന്ദി, തമിഴ് ഭാഷകളിലാണ് ചിത്രം ഇന്ത്യന് തിയറ്ററുകളില് എത്തുക. ജനുവരി 24നാണ് ഇന്ത്യന് റിലീസ്. റിലീസിന് മുന്നോടിയായി ഇന്ത്യന് ഭാഷകളിലെ ട്രെയ്ലറും വിതരണക്കാര് പുറത്തുവിട്ടിട്ടുണ്ട്. കേരളത്തിൽ ചിത്രം വിതരണത്തിന് എത്തിക്കുന്നത് ശ്രീ ഹനുമാൻ മൂവി മേക്കേഴ്സുമായി ചേർന്ന് സൻഹാ സ്റ്റുഡിയോസ് ആണ്. ഇന്ത്യന് സിനിമയില് ആക്ഷന് ചിത്രങ്ങള് വലിയ വിജയമാണ് നേടിക്കൊണ്ടിരിക്കുന്നത്. ഹോങ്കോങ് വാരിയേഴ്സും ഇന്ത്യന് പ്രേക്ഷകരെ ആകർഷിക്കുമെന്ന് വിതരണക്കാർ പറയുന്നു.
AI മുന്നേറ്റത്തിന്റെ ആഘാതം: ആന്ത്രോപിക്കിന്റെ പുതിയ ടൂൾ പ്രധാന ഐടി ഓഹരികളെ താഴേക്ക് വലിച്ചു
February 4, 2026
No Comments
