ചാറ്റ് ജിപിടിയിൽ ഇനി വീഡിയോ ഇല്ല

OpenAIയുടെ വീഡിയോ ജനറേഷൻ പ്ലാറ്റ്‌ഫോമായ Sora നിർത്തലാക്കുന്നതായി റിപ്പോർട്ടുകൾ. The Walt Disney Companyയുമായി മാർവൽ, സ്റ്റാർ വാർസ് പോലുള്ള ഫ്രാഞ്ചൈസുകൾ സോറയിൽ ഉൾപ്പെടുത്തുന്നതിനായി ബില്യൺ ഡോളർ കരാർ ചർച്ച ചെയ്യുന്നതിനിടെയാണ് ഈ തീരുമാനം ഉണ്ടായത്.സോറ പ്രവർത്തിപ്പിക്കാൻ അത്യധികം കമ്പ്യൂട്ടേഷണൽ പവർ ആവശ്യമായതും, ജിപിയു ഉപയോഗം അതിരുകടക്കുന്നതുമാണ് പ്രധാന കാരണങ്ങളിലൊന്ന്. കൂടാതെ Anthropic പോലുള്ള എതിരാളികളുമായി മത്സരിക്കാൻ എന്റർപ്രൈസ് ഉൽപ്പന്നങ്ങളിലേക്ക് ശ്രദ്ധ മാറ്റുന്നതും തീരുമാനത്തെ സ്വാധീനിച്ചു.സോറ ആപ്പും APIയും നിർത്തലാക്കുന്നതോടെ ChatGPTയിലൂടെയുള്ള വീഡിയോ ജനറേഷനും ലഭ്യമാകില്ല. ഇതിനുപകരം ChatGPT, Codex, Atlas എന്നിവ സംയോജിപ്പിച്ച “സൂപ്പർ ആപ്പ്” വികസിപ്പിക്കാനും ഏജന്റിക് എഐ സംവിധാനങ്ങളിലേക്കും കമ്പനി ശ്രദ്ധ തിരിക്കുന്നു.2024ൽ അവതരിപ്പിച്ച സോറ, ടെക്സ്റ്റ് അടിസ്ഥാനമാക്കി സിനിമ നിലവാരത്തിലുള്ള വീഡിയോകൾ സൃഷ്ടിക്കാൻ കഴിവുള്ള ശക്തമായ എഐ ടൂളായിരുന്നു.